Án Framsóknar væri okkur ekki....

skemmt, nema þegar Spaugstofan tekur kippilega syrpu. Mikið er gaman að sjá hvað Framsóknarmönnum er annt um að skemmta okkur skrílnum með svona sífelldu rifrildi og uppákomum:) Hugsanlega verður a.m.k. einn úr Framsókn að komast inn, svona bara til að halda uppi húmornum;)

Deilt um Guðlaug í borgarráði

Svona gerast kaupin á eyrinni.

Jams, það er ekki sama hvort maður er páll eða séra páll, þetta eru leikreglurnar sem þeir "íslensku" ætluðu sér að keppa við - gamlar (hundgamlar) peninga- og valdablokkir, sem vernda peninga, völd og ættartengsl jafnvel. Þetta er blokkir sem eru það háar að hárið úr hala Búkollu dugar víst skammt, þegar halinn er hárreittur.

Norskir kaupendur fengu lán framlengt

Fræðilega séð!

Já, þetta er athyglisverð grein frá Hannesi í WSJ sem er að finna í þessari frétt. Það er samt merkilega merkilegt hvað stjórnmálafræðingur, sem er að mínu mati nokkurs konar þjóðfélagsfræðingur, er ætíð að falla í þá gryfju að þeóríst gangi hinn og þessi hlutur upp. En, eins og bankahrunið - þetta leit allt vel út á pappírunum, en eplið var svo rotið að innan að það bara féll saman við fyrsta mótlæti.

Hannes Hólmsteinn: Óvinir Davíðs

Vinnan að skila sér.

Þá er farið að koma meira og meira í ljós hvað var verið að baukast á vegum fyrrum ríkisstjórnar.

Greiðslustöðvun Landsbankans staðfest í Bandaríkjunum

Hvaða óvissa?

Hvað meinar Ögmundur? Gulli var löngu búinn að redda þessu. Dótið bara flutt í annað umdæmi. Það er algjört aukaatriði hvort að leið fólks í vinnuna sína tífaldist, nú eða jafnvel tuttugufaldist - enda ekki kostnaður sem lendir á ríkinu. Öggi - bara chilla kallinn, Gulli kláraði pakkann.

Er það úr minni manna farið hvernig "sameining" sjúkrahúsanna hér á höfuðborgarsvæðinu fór á sínum tíma? Hún sprakk eins og kjarnorkusprengja uppí andlitið á þeim sem sögðu að um væri "þýðingarmiklar" og "arðvænlegar" hagræðingar með ýmsum tilfærslum og sulli. Niðurstaðan varð hinsvegar sú að kostnaður þvert á móti varð meiri og reksturinn mikið verr á sig kominn en ef menn hefðu reiknað aðeins lengur og betur.

Ekki er allt gull sem glóir.

Stundum er betur heima setið en af stað farið?

Á eitthvað af þessu við hér?

Vill eyða óvissunni um framtíð St. Jósefsspítala

Ballið heldur áfram.

Já, það var sem ég segi, sagan og vitleysan endalausa. Þagnarskylda gagnvart hverjum? Hefur FME próforma þagnarskylduþvælurök framyfir heildarhagsmuni? Gaman væri að komast að því hverjum þeir sögðu EKKI frá þeim upplýsingum sem þeir lágu á. Ætli þeir séu yfir höfuð tilkynningaskyldir til einhvers? 

FME, þessi stofnun býr yfir rússínum til að grípa til ef fjármálafyrirtæki eru óþekk.

Þá er bara sjá til þess að allir bursti tennurnar - fnykurinn er orðinn þvílíkur.

Eina sem gæti komið jákvætt útúr þessu er að sérstakur saksóknari fái heimild alþingis/löggjafans til að skokka uppí FME og gera "úttekt" eða "leitarferð" og skoða hvað FME hefur undir höndum. Allavega virðist manni dæmið líta þannig út að þeir hafi vísvitandi leynt opinberar stofnanir og það ráðuneyti sem FME heyrir undir með ansi mörg mál.

FME kallaði eftir frekari skýringum

Þá byrjar ballið.

Jæja, þá er sérstaki saksóknarinn kominn í gírinn. Verður gaman að fylgjast með framvindu mála og hvernig til tekst.

Það sem kemur úr þessari vinnu setur væntanlega tóninn fyrir það sem koma skal.

Allavega byrjar hann vel, tekur til sín menn sem sulla í þessu allan liðlangan daginn og hafa skynbragð á því hvernig þessir hlutir fara fram. Ég get ekki ímyndað, allavega svona í fljótu bragði, hverjir aðrir eru vanir að umsýsla þessi mál, nema þá helst þeir sérfræðingar sem löggan sjálf notar í slíka hluti.

Spurning hvort hann ætti að sækja til víðri veggja, t.d. embætti skattrannsóknarstjóra? Þar er örugglega líka hæft fólk í þessi störf. Allavega betur til mála komnir en t.d. fjármálaeftirlitið, enda hefur það runnið á rassgatið í sífellu með aðgerðarleysi en stanslausum rannsóknum sem ekkert leiða af sér annað en bloggfærslu á síðu fjármálaeftirlitsins.

Starfsmönnum fjölgar hjá embætti sérstaks saksóknara

Davíð á leið í pólitík?

Þetta er alveg "ótrúlegt" hversu fljót núverandi ríkisstjórn er að dæla út frumvörpunum. Óþolandi dæmi um upplýsingaleysi fyrir stjórnvalda. Það liggur í augum uppi að flest ef ekki öll þessi frumvörp hafa verið í bígerð frá því í nóvember á síðasta ári.

Það er vonandi að menn drullist til að segja eitthvað opinbert um fleiri mál en seðlabankastjórana.

NÚMER EITT - Peninga inní bankakerfið.
Það leiðir tvennt af sér, a) Bjargar fjölskyldum a.m.k. tímabundið fram að næstu aðgerð, b) Bjargar fyrirtækjum frá tilhæfulausum og tilefnislausum gjaldþrotum.

Ég er orðinn pínu pirraður á þessu röfli um seðlabankann. Það er eins og ef Davíð víki þá sé bara allt honky-dory og allir sáttir. EN, það er allt í rjúkandi rúst samt sem áður.

Hugsa um heimili og fyrirtækin fyrst og fremst, það er nógur tími til að fara með moppu og klút og hreinsa til á ýmsum stöðum í þjóðfélaginu.

Seðlabankastjórar víki

Hverjir hafa heimild?

Það hrannast yfir mann ný og ný mál með ýmis undanskot, svik og rjómadúllur sem fylgja hruni bankanna.

Ég spyr: Hver ber ábyrgð á því að rannsaka þessa hluti? Hvar eru þeir? Eru þær stofnanir starfhæfar í dag?

Er furða að maður spyrji sig?

Hvar er skattrannsóknarstjóri ríkisins?
Hvar er auðgunarbrotadeild ríkislögreglustjóra?
Hvar er dómsmálaráðherra? (annað en ný mættur í vinnuna?)

Eru þetta virkilega ekki mál þess eðlis af þeim alvarleika að tíma og peningum sé eyðandi í að fara af fullri hörku gegn þessum tilteknu aðilum sem augljóslega eru með þessar krúsindúllur í einum tilgangi.

Fjögur félög á Tortola

Ekki píp um kvótann!!

Vá, maður hefði haldið að þar sem þeir 2 flokkar sem hafa hvað mest verið yfirlýstir andstæðingar kvótakerfisins og hafa hvað mest gagnrýnt kvótakerfið sem "gjafakvóta til hinna útvöldu". Jafnframt hafa þessir aðilar, þ.e. Samfylkingin og Vinstri Grænir, heitið því, æ ofaní æ, að komist þeir til valda þá myndu þeir leiðrétta þetta misrétti.

En, nú bólar ekkert á því. Ekki svo mikið sem píp. Samkvæmt því vinnuplaggi sem þessir flokkar vinna eftir nú eru: Númer eitt, er verið að sópa til í Seðlabankanum. Númer tvö er verið að gera eitthvað í öllu og því sem er að - ergo: sama rullan og fráfarandi ríkisstjórn fór með - engar breytingar þar.

Ekki er minnst einu pípi á kvótann, eða það tækifæri sem ríkið hefur til að koma þessum auðlindum tilbaka í hendur þeirra sem eiga auðlindina, þ.e. þjóðin sjálf. Á sama hátt og aðrar auðlindir eru nýttar, t.d. heitt vatn, gufur og fallvötn eru i almannaeigu, nema með þeim undantekningum þegar framangreint er á jörðum sem eru í einkaeigu. Það eru svo aðilar (t.d. ríki og sveitarfélög - sumum tilfellum einstaklingar) sem fá leyfi frá ríkinu til að nýta þessar auðlindir gegn ákveðnum leikreglum.

Ég heyrði þeirri tölu fleygt að sjávarútvegurinn skuldi ca. 800 milljarða iskr, en skuldaði fyrir ekki svo mörgum árum síðan um 70-80 milljarða iskr. Þarna eru "sægreifarnir" búnir að keyra upp skuldir sjáfarútvegsins með kvótabraski og áhættufjárfestingum í útrásarhugleiðingum - fjárfestingar sem hafa verið plataðar uppá þá, en, þeir sitja engu að siður í súpunni - skuldasúpunni fyrir vikið.

Það er einnig ólíðandi að eini flokkurinn á þingi, Frjálslyndir, sem var flokkur stofnaður sérstaklega til höfuðs kvótakerfisins og kvótabrasksins, skuli ekki keyra af mikið meiri hörku í þetta mál og nýta þann meðbyr og þá vakningu og siðferðiskennd (loksins) sem er að rísa hér í þjóðfélaginu á síðasta misseri.

Þjóðinni mun aldrei fá annað eins tækifæri til að skuldajafna skuldir vs. kvóta og færa þessa lang-verðmætustu eign Íslendinga aftur til fólksins. Það er íslenska ríkið sem á skuldirnar, og þar með kvótann sem er tryggingin fyrir skuldunum. Mér líst skelfilega illa á þá hugmynd sem maður hefur heyrt fleygt fram um að fella niður skuldir á sjáfarútveginn, til þess eins að gefa þeim "vinnuskilyrði" og vernda "tugi" fjölskyldna sem skapa sitt viðurværi á þeim forsendum - EN, hvað með hinar þúsunda fjölskyldna sem blæða, og hugsanlega munu blæða enn meira ef sjáfarútvegurinn hefur komið sinni áru svo illa fyrir borð að hann sé að leggjast á hliðina?

Eigendur og rekstraraðilar sjáfarútvegsins, eins og margt annað sukk sem er að komast uppá yfirboðið þessa dagana hafa sýnt af sér mikið vanhæfi í rekstrinum ef þetta er niðurstaðan eftir öll þessi ár að sjáfarútvegurinn sé bókstaflega á hausnum og löngu orðinn meira en tæknilega gjaldþrota.

Kvótann til fólksins.

Ísland er í sárum eftir nýfrjálshyggjuna

Bankann, beint heim í stofu!

Maður er varla að trúa þessu. Þetta er bara, af einhverjum ástæðum, eitt það fyndnasta sem maður hefur lesið. Hvernig í ósköpunum dettur mönnum i hug að það muni enginn taka eftir því að heill hraðbanki sé horfinn?

Annars, þá minnir mig þetta á Americas Wildest Police Videos... eða hvað það nú heitir, þegar einhverjir "hill-billy" gaurar komu á pickup, bökkuðu honum inní lítið bankaútibú, settu hlekki utanum eitt stykki hraðbanka, hengdu í krókinn á pickup bílnum og bara tættu af stað. Það var ekki sökum að spyrja, hraðbankinn hafði lítið um málið að segja og elti bílinn, hlekkjaður. Svona drógu þjófarnir skápinn einhverja leið, losuðu sig við bílinn þar sem hann var stolinn. Það lygilega í þessu er að enginn hafði séð til þessara svaka átaka, né tekið eftir pickup bíl með hraðbankann í eftirdragi eftir götunni. Lögreglan var nú reyndar ekki mjög lengi að hafa hendur í hári kauðanna, vegna þess að með þvi að draga blessaðan hraðbankann eftir götunni alla leið heim til sín... well, you figure out the rest;)

Grunaðir hraðbankaþjófar handteknir

Útsala! Útsala!

Það er nú bara þannig að þegar einn tapar þá græðir einhver annar. Nú er Nýherji augljóslega undir hnífnum og er að tapa. Hver ætli bíði á hliðarlínunni og sé að græða? Ætli bankinn þeirra "yfirtaki" ekki bara reksturinn og afhendi hann svo, jah, allavega "góðum" rekstraraðila. En, allavega ekki fyrr en búið er að afskrifa smá slatta af skuldunum.

Uppfyllir ekki lánaskilyrðin

ESB hið ný VIAGRA.

Sérfræðingar og vísindaheimurinn hefur í furðu sinni, fyrir algjöra tilviljun, komist að þeirri niðurstöðu að ESB hefur komið betur út en VIAGRA í prófunum og rannsóknum undanfarið. Svipað og forveri þess VIAGRA, gefi aukið flæði, innspýtingu og vellíðan, stinningu og reisningu. Svo er sagt í niðurstöðum sérfræðinga að ESB, já, líkt og forveri þess, auki á sjálfstraust og vellíðan, sérstaklega réttist úr bognum bökum eftir því sem stoltið eykst. Þetta eru frábærar fréttir fyrir þá sem eru orðnir hundleiðir á bitlausu VIAGRA. "ESB er nú eina rétta leiðin til að stinna upp allt sem niður hefur farið" - var haft eftir háttsettum embættismanni innan samblandarafélagspressunefndarinnar sem styður ESB og notkun þess og segir jafnframt að "there's no feeling like", með bros á vör og töluverðri reisn.

Það er vitað mál að VIAGRA hafði lítil sem engin áhrif á þorskinn hér á árum fyrr, deilur Breta og Íslendinga sönnuðu það svo ekki var um villst. En, sérfræðingar segja að stutt sé í að Bretar nái nú að leysa þann deiluhnút sem staðið hefur í þeim með ESB og þorskurinn loksins þá aftur kominn "heim".

Jafnframt má geta þess að VIAGRA hafði lítil bithrif hér á Íslandi fyrir 65 árum, þegar illa útlítandi og  lyktandi bændlendingar á Íslendingar á svo óábyrgan hátt sögðu sig frá farsælu hjónabandi við Dani. Meira að segja hafa sögur sagnir þess efnis verið uppi alla tíð síðan. Já, ég veit! Alveg ótrúlegt en satt! Hvað höfðu Danir eiginlega gert Íslendingum, sem varð til þess að Íslendingar slitu sambúð? En, sérfræðingar telja ESB leiðrétta þessi leiðinlegu "mistök".

Það er því deginum ljósara að Ísland á ekkert að sælda með VIAGRA þjóðum eins og Noregi, þeir eiga alltof mikla olíu, fisk, skógrægt og aðrar auðlindir sem eru heldur gagnlausar sjálfstæðrar og sjálfbærrar þjóðar. Svo ekki sé minnst á að smáríki eins og Luxemborg hefur ótrúlega neikvæð áhrif á sjálfsímynd Íslendinga þar sem menn myndu þá fyrst átta sig á smæð sinni. En með hinu nýja ESB, þá er það mikið rannsakað, eins og VAGRA, og hefur meðal annars aukið við stinningu ýmissa þátta þjóðfélagsins, svo ekki sé minnst á að það eykur "stærðina".

Er það sérlega talið stafa af því að menn losna við allar byrðir og ok sem felst í sjálfákvörðunarrétti, fullveldi, yfirráðum yfir og fáum auðlindum. Þessi meinbugur er t.a.m. búið að plaga Íslendinga frá árinu 1944. En þá er talið að okið hafi byrjað. Nú gefst svo Íslendingu nýtt og bónað tækifæri til að hitta sína fyrrum landstjóra, Dani, og vera lige-glad med alle sammen. Undenskild mig, jeg kan ikke tale pá islandsk mere... Deutchland uber alles;)

Fengjum forgang inn í ESB

Bónus mælir svo fyrir.

Hvaða rugl er í gangi? Því er ekki hjólað í Bónu?, sem rekur aðra hverja verslun á landinu? Hvað hefur Krónan gert þessu fólki? Bónus hafði hækkað hjá sér um 8 prósent! Er þá ekki ástæða til að stofna hópinn 8.0? Hjóla svo í allar Bónusverslanir og líma 8.0 límmiða á allar vörur?

Held að hér sé á ferðinni gott útspil Jónsfeðga til að taka athyglina af því að hér hafa þeir sett allt á hausinn með gengdarlausu ábyrgðarleysi þegar þeir hafa gengið inní hvert stórfyrirtækið hér á landi, þurrausið það eigið fé sínu, og nú brunarústirnar einar eftir. Það verður seint tekið af þeim feðgum að þeir kunna að slá ryki í augu fólks og ýta fókusnum í alveg óskiljanlegar áttir.

Þetta minnir mig á orð forsvarsmanns Atlantsolíu, þegar hann var spurður um hvers vegna þeir væru "bara" 1 aur dýrari að meðaltali, þégar hér ætti að ríkja hörð samkeppni í sölu á bensíni og dísel? Svarið var á þessa leið: "...hugsaðu þér hvað verðið væri ef við værum ekki á markaði..."

Þetta er nefnilega punkturinn. Þeir stærstu stýra alltaf vöruverðinu. Þeir búa yfir mestum innflutningi og hagræði þar, eiga megnið af heildsöluinnflutningi, þeir stýra stærsta dreifinganetinu og þar af leiðandi ekki ósjaldan flesta möguleika til smásölu, eiga fasteignafélög til að vernda nágrenni sitt þannig að enginn geti opnað verslanir í nágrenni við þá, fasteignafélög stofnuð í þeim tilgangi að hamla og koma í veg fyrir  samkeppni..... svona mætti lengi telja. En, hvað veit ég?

Mótmæltu hækkun vöruverðs í Krónunni

Alveg satt!

Jú, herra dómari, alveg, alveg satt. Þetta er sagan endalausa.

REI-menn bera vitni

Björgunarkútur GIR.

Mér er spurn: Hversu margir "Arar" eru þarna úti, sem hafa svipaða vitneskju og og hann??

Mér er spurn: Hverjum eru fólk að gera greiða með að halda slíkum upplýsingum leyndum?

Mér er spurn: Hefur fólk svona mikla dýrkun og minnimáttarkennd fyrir "auðvaldinu" og peningum að það sér sig smátt og aumt að greina frá svona hlutum?

Mér er spurn: Fyrir "einfaldann" almúga, er það að sitja slíkan fund á við gríðarlegt áfall? Þ.e. að það taki áratug að melta hlutina hvort þarna hafi verið eitthvað gruggugt í gangi?

Mér er spurn: Tekur það 10 ár, og algjört efnahagshrun, til að menn ropi slíkum upplýsingum útúr sér?

Mér er spurn: Halda menn virkilega að þetta sé einsdæmi?

Mér er spurn: Hverjir tóku þátt í þessum sjóð, og hverjum tengjast þeir?

Mér er spurn: Hverjir kenndu Kaupþingsmönnum þetta?

Er furða að maður spyrji?

Maður verður víst að bíta í það súra að þar sem er eftirspurn, þá er víst til framboð.

Rannsakar kynningu á GIR

Heimsmet í tíföldun!

Það er engu líkara að blessuðu "útrásarvíkingarnir" hafi fengið tilefni til að koma sér í samband við Guinnes heimsmetabókina. Hér er enn eitt dæmið, þ.e. Eimskip, um hversu ótrúlega vandasöm verkefni voru. Ég, allavega fyrir mitt leiti er farinn að skilja þetta aðeins betur.

Tíföldunarreglan: Þú kaupir fyrirtæki á verðinu 1, selur vini þínum það á verðinu 7, hann selur svo til ykkar sameiginlegs vinar á 15. Fyrirtækið er svo skuldsett í millitíðinni fyrir allt að 10. En, ekki gleyma að þurrka út sjóðina af öllu lausa- og eigiðfé fyrst, þannig að það sé pottþétt að arðuirnn skili sér frekar fyrr en seinna. Þannig að þegar fyrirtækið hittir smá erfiðleika, þá er allavega til 10-faldar skuldir til að velta sér uppúr. Þannig að fyrirtækið sem var keypt á 1, skuldar núna 10, og allir fitna. - ATH: Engar áhyggjur; Jómfrúrnar passa sko vel 10-földu peningana. Kerfið er ergo: Pottþétt!

Ekki heldur hafa áhyggjur þó dótið fari á hausinn, því fyrirtækið er bara virði ca. 5, þannig að þú færð felldar niður skuldir að jafnvirði 5. Flott útspil, þar sem þú leggur ekkert út, en græðir 10.

Máltækið: "Margur verður af aurum api";  á alls ekki við hér.

 

Tap Eimskip 96,66 milljarðar

Búið að leggja niður aðra Háskóla.

Þetta er myndarhópur sem kippt hefur verið í til að stýra hinum flóknu úrlausnarmálum sem framundan er.

Annars er engu líkara en að á Íslandi séu engir Háskólar til staðar, eða verðugir, nema hin háttvirta stofnun Háskóla Íslands. Í það minnsta er ekki að skilja á fréttinni að leitað hafi verið "almennt" til háskólasamfélagsins (frekar en fyrri daginn), heldur eingöngu þeirra sem hafa talað út síðastliðna mánuði og/eða þeirra sem hafa verið (eða eru) við störf við Háskóla Íslands. Er þá ekki bara réttast að það sé bara einn ríkisháskóli, Háskóli Íslands? Virðist allavega ekki verið mikið í hina Háskólana að sækja? eða hvað? Hvað með t.d. Háskólann í Reykjavík? Bifröst? Landbúnaðarháskólann? Háskólann á Akureyri? Neh, leggja þá bara niður. Ekkert frá þeim að hafa.

Annars er maður ómælanlega glaður að loksins sé farið að leita náðar "sérfræðinga" til að setjast í forsvari í þessum óvinsælu málaflokkum, t.d. eins og viðskiptaráðuneytið, sem Samfylkingin skildi eftir sig í brunarúst.

Gylfi tók ráðherraboði

GoGo Freelander

Nú, í fyrsta skiptið, jah, sennilega frá fæðingu að frá mér beri til örvottar af virðingu fyrir Guðjóni hjá Frjálslyndum. Nú er bara að sjá hvort ekki sé allt gull sem glóir. VG og S gætu náttúrulega otað einhverju öðru en hafsilfri í áttina að B og F mönnum, svona rétt til að stjórn VG OG F lifi út næstu viku.

Auðvitað þýðir ekkert mambojambo. Við verðum að sækja tekjur hvars sem þær eru að fá (nánast;)). Ekki svo gleyma því að þetta er ákvörðun frá árinu 2006, og sennilega líkast til nokkurs konar framsett staðfesting á því svo hægt væri að hefja veiðar formlega skv. því.

Mér finnst argasta hroki og dónaskapur af Samfylkingarfólki og Vinstri Grænum að dirfast að koma fram með slíka tillögu að ógilda þessa ákvörðun, þegar þessi ákvörðun var í raun tekin árið 2006 í MJÖG mikilli sátt við þjóðina, enda vildu langflestir landsmenn (sjálfsagt vilja enn) að hafnar yrðu hvalveiðar í atvinnuskyni.

Jæja, VG og S, hlusta á fólkið!!! ekki detta í gamla gírinn.

Hvalurinn setur hnút í Frjálsynda

Þegar hann var pínulítill.

Jú, það má víst segja að margir sem eru að stappast í myndunarviðræum núna séu, og hafa komið pínu nálægt pólitík. Sammála einni færslunni að þetta er nú meira svona sögubrot/staðreynd, eða bara skotfyndin sögutíðindi, alls ekki meinfyndin.

Held að menn hljóti að geta skrifað um eitthvað merkilegra en þetta. Man kannski einhver hvað t.d. Össur var gamall á þessum tíma? Pínulítill allavega. Hann var ekki orðinn stór og sterkur strákur fyrr en um 1992, og þakkar hann það sjálfsagt því íslensku lýsi og dönskum höfrum.

Auðvitað gengur þetta allt í hringi eins og allt annað.

Nýtt verk, sömu leikarar